Дар остонаи Рӯзи байналмилалии занон Бонки ИМОН ИНТЕРНЕШНЛ як ташаббуси бузурги иҷтимоиро амалӣ намуд, ки ба заноне бахшида шудааст, ки меҳнати ҳаррӯзаашон аксаран нодида мемонад, аммо барои ҳаёти шаҳр аҳамияти бузург дорад.
Ҳангоме ки аксари сокинон истироҳат мекунанд, маҳз ҳамин занон тозагӣ ва тартиботи кӯчаҳоро таъмин намуда, субҳро бо ҷорӯб дар даст пешвоз мегиранд. Меҳнати ҳаррӯзаи онҳо ноаён аст, аммо асоси муҳими роҳат ва оромиест, ки мо ба он одат кардаем.
Ба нишони сипос ва қадрдонии самимӣ Бонки Имон Интернешнл дар ҳамкорӣ бо Радиои Ватан ва Колорадо Принт шабона ба кӯчаҳои шаҳр баромада, шахсан онҳоеро табрик намуд, ки одатан дар пасманзар мемонанд. Дар доираи иқдом зиёда аз 100 зане, ки ба тозакунии кӯчаҳо машғуланд, табрик гардида, ба онҳо тӯҳфаҳо, суханони гарм ва таваҷҷуҳе, ки воқеан сазоворашанд, тақдим шуд.
Ин вохӯрӣ танҳо як табрикот набуд, балки лаҳзаи эътирофи меҳнат, эҳтиром ва муносибати инсонӣ гардид. Зеро дар кори онҳо на танҳо меҳнати ҷисмонӣ, балки ғамхории самимӣ нисбат ба шаҳр ва сокинони он таҷассум ёфтааст.
Бонки Имон Интернешнл ба ҳамаи заноне, ки бо меҳнати ҳаррӯзаи худ шаҳри моро тозатар, зеботар ва бароҳаттар мегардонанд, изҳори сипоси самимӣ менамояд.
Бигзор гармие, ки шумо ба дигарон мебахшед, ба шумо чандин баробар баргардад — дар шакли ғамхорӣ, эҳтиром ва муҳаббат.
Идатон муборак! 💐
