4 мая 2026
Бонки миллии Тоҷикистон Бонки Имон Интернешнлро бо Ифтихорнома сарфароз гардонид
Бонки Имон Интернешнл барои саҳми назаррас дар рушди низоми бонкии кишвар ва густариши хизматрасониҳои молиявӣ бо Ифтихорномаи Бонки миллии Тоҷикистон сарфароз гардонида шуд.
Мукофот дар доираи ташаббусҳо оид ба таҳкими нақши ташкилотҳои молиявӣ дар иқтисодиёт ва баланд бардоштани дастрасии аҳолӣ ба хизматрасониҳои бонкӣ тақдим гардид. Ҳамчунин, мукофот барои саҳм дар рушди низоми бонкӣ ва иштирок дар озмуни «Беҳтарин ташкилоти молиявӣ оид ба пешниҳоди хизматрасониҳои ғайримолиявӣ ба занони соҳибкор» супорида шуд.
Дарёфти ин мукофот нишонаи эътирофи фаъолияти устувори бонк, сатҳи баланди касбият ва талоши пайваста барои ҷорӣ намудани роҳкорҳои муосири молиявӣ мебошад. Имон Интернешнл рушди фаъолонаи маҳсулот ва хизматрасониҳои худро идома дода, ба эҳтиёҷоти мизоҷон ва стандартҳои байналмилалии сифат такя мекунад.
Роҳбарияти бонк ба Бонки миллии Тоҷикистон барои қадрдонии фаъолияти бонк изҳори сипос намуда, таъкид кард, ки ин мукофот барои рушди минбаъда ва таҳкими мавқеи бонк дар бозори молиявӣ ҳавасмандии иловагӣ хоҳад буд.
Бонки Имон Интернешнл минбаъд низ ният дорад дар рушди иқтисодиёти кишвар саҳм гузошта, мизоҷонро дастгирӣ намояд ва дастрасӣ ба хизматрасониҳои молиявиро барои тамоми қишрҳои аҳолӣ васеъ гардонад.
